"చిరునవ్వుతో" సినిమా గురించి

మొన్న సెలవలలో హైదరాబాదు కోఠీకి వెళ్ళాను. అక్కడ ఉన్న "Supreme House"లో original vcdలు 60/- రూపాయలకే అమ్మి నాతోటి కూడా మూడు vcdలను కొనిపించేసారు. అలా నేను కొన్నవాటిలో "చిరునవ్వుతో" ఒకటి. మొదటిసారి హాళ్ళో చూసినప్పుడు సినిమా బాగానే అనిపించింది కానీ, మరీ నిన్న చూసినంత లోతుగా చూడలేదు. సినిమాలో సంభాషనల మధ్యలో చాలా జీవితసత్యాలు దొర్లుతూవుంటాయి. మచ్చుకు కొన్ని ఇవిగోండి:

1. బాయ్ ఫ్రెండ్సు ఆడపిల్లల అందానికి కాంప్లిమెంట్సు - కధానాయిక షహీన్ తన కాబోయే భర్త ప్రకాష్ రాజుతో తన మగ స్నేహితులను పరిచయం చేస్తునప్పుడు చెబుతుంది. అప్పుడు వెంటనే నాకు ఒక సందేహం వచ్చింది. మరి గార్ల్ ఫ్రెండ్సు మగపిల్లలకు ఏమిటబ్బా ...

2. ఒక అమ్మాయి-అబ్బాయి ప్రేమించుకోడానికి ఎంత టయిం కావాలి, గంట కావాలా, వారం, నెల, సంవత్సరం చాలా. - ఈ విషయంలో మటుకు ప్రేమకు మాత్రమే సంబందించినది కాదు అనుకుంటా, ఒక వ్యక్తి మీద అభిప్రాయం ఏర్పరుచు కోవటం, అనే conceptకి generalize చేయొచ్చేమో. అందుకనేనేమో ఆంగ్లములో "first impression is the best impression" అనే నానుడి పుట్టుకొచ్చిందనుకొంటా.

3. చూడు పరిచయం అయిన వాళ్ళంతా స్నేహితులు కాలేరు, స్నేహితులందరూ ప్రేమికులు కాలేరు. నా స్నేహం నీకు ప్రేమగా అనిపించి ఉండొచ్చు, కానీ నీ పరిచయం మాత్రం నా వరకు స్నేహం దగ్గరే ఆగిపోయింది.